Antoni Tucher d. Ä. berichtet aus Nürnberg an den kursächsischen Kämmerer Degenhardt Pfeffinger, dass er immer noch den Brief des Kurfürsten Friedrich von Sachsen an seinen Maler (Lucas Cranach?) bei sich hat, da der Maler noch nicht in Nürnberg war. Der vermutliche Inhalt dieses Briefes basiert auf Mitteilungen Pfeffingers an Tucher, dass der angekündigte Maler eine Bildvorlage mit dem Porträt des Kurfürsten für eine Münzprägung herstellen soll. Da dieser aber noch nicht in Nürnberg eingetroffen ist, hat Tucher ein Bildnis des Kurfürsten aus der Predigerkirche dem Münzmeister Krug übergeben, mit der dieser eine Vorlage entwerfen soll. Krug verbinde damit die Hoffnung, dass sein Werk dem Kurfürsten gefallen wird und diese Prägung und zukünftige ohne Zutun des Malers von ihm entworfen werden können.

Dem erbern vnnd vest[e]n Degenhart[e]n von Pfeffing[e]n, camm[e]rer [etc.], meine[n] sonder[e]n gut[en] fr[eund]

Meyn willig dinst seyen euch mit vleiß zuvor erber vnd vester lieber her camerer. Ewr schreib[e]n auß Heltperg [Heldburg (Thüringen)] jungst an mich getha[e]n mit zusendung aines brieffs von dem durchleuchtig[e]n hochgepor[e]n furst[e]n, vnnser[e]n gnedigist[e]n her[e]n hertzog Fridrich[e]n von Sachß[e]n, churfurst[en] [etc] an seiner f[ürstlichen] g[naden] maler außgang[e]n, hab ich vernomen, vnnd ist derselb maler, biß anhere, nit gein Nurmberg kom[m]en, deß halb[e]n ich den empfang[e]n brieff an ine gehorig noch beyhendig hab, ime den vff sein zukunfft zuannt[worten], will auch alßdan[n] sampt ime vnnd dem muntzmaist[er], das mit vleiß furder[e]n, so ich von gedacht[en] meine[n] gnedigst[en] her[e]n vnnd euch in bevelh hab empfang[e]n, ich hab auch ytzo nach abschaid[e]n seiner furstlich[e]n gnad[e]n, das teffelein seiner g[naden] pildnus an dem ganng in der predig[er] kirch[e]n abneme[n] und dem Krug meiner freund muntzmaist[er] vberantwurt[en] lass[e]n, der in arbait stet, demselb[e]n gemeß etwaß zu vißir[e]n, vff das zu des malers zukunfft den sach[e]n vnnd meinß gnedigst[e]n [Bl. 231v] her[e]n bevelh dester eher vnnd mit weniger muhe mocht nachgegang[e]n werden. Deß gleich[e]n hat gedacht[er] Krug von meines gnedigst[e]n her[e]n muntz noch bißhere kain ganntz werck gefertigt, soll aber in kurtz, wie er mich bericht, bescheh[e]n. Alßdann will ich seine[r] f[ürstlichen] g[naden] das zufertig[e]n, ob auch deß malers zukunfft sich ain zeitlanng verzieh[e]n, wollet mich bey gegenwertig[e]m brieffszaig[er] bericht[e]n, ob destermynder nit der Krug fur sich selbs on deß malers beysein vnnd zuthun materiren soll, wie er sich zuthun erpott[e]n vnd gute hoffn[u]ng hat, das solchs nach beraittem werck meinem gnedigist[e]n her[e]n nit misfellig sein sol. Wollt ich euch gut[er] maynu[n]g nit verhalt[e]n, dann euch zu dinstlich[e]m gut[e]n will[e]n bin ich wol genaigt. Dat[um] donerstag nach Vdalrici 1508.
Anthoni Tuch[er] der elter zu Nur[nberg]

Transkription durch

Lücke, Dietrich; Lücke, Monika

Transkription Datum

2021