Antoni Tucher the Elder reports from Nuremberg to the Saxon chamberlain Degenhardt Pfeffinger that he still has the letter from Elector Friedrich of Saxony to his painter (Lucas Cranach?), as the painter has not yet been to Nuremberg. The alleged content of this letter is based on Pfeffinger's information to Tucher that the painter was to produce a template for the Elector’s coinage portrait. However, as the painter had not yet arrived in Nuremberg, Tucher had given the mint master Krug a portrait of the Elector from the Predigerkirche to use as a model. Krug hoped that the Elector would like his work and that he would be able to design this and future coins without the painter's help.

Dem erbern vnnd vest[e]n Degenhart[e]n von Pfeffing[e]n, camm[e]rer [etc.], meine[n] sonder[e]n gut[en] fr[eund]

Meyn willig dinst seyen euch mit vleiß zuvor erber vnd vester lieber her camerer. Ewr schreib[e]n auß Heltperg [Heldburg (Thüringen)] jungst an mich getha[e]n mit zusendung aines brieffs von dem durchleuchtig[e]n hochgepor[e]n furst[e]n, vnnser[e]n gnedigist[e]n her[e]n hertzog Fridrich[e]n von Sachß[e]n, churfurst[en] [etc] an seiner f[ürstlichen] g[naden] maler außgang[e]n, hab ich vernomen, vnnd ist derselb maler, biß anhere, nit gein Nurmberg kom[m]en, deß halb[e]n ich den empfang[e]n brieff an ine gehorig noch beyhendig hab, ime den vff sein zukunfft zuannt[worten], will auch alßdan[n] sampt ime vnnd dem muntzmaist[er], das mit vleiß furder[e]n, so ich von gedacht[en] meine[n] gnedigst[en] her[e]n vnnd euch in bevelh hab empfang[e]n, ich hab auch ytzo nach abschaid[e]n seiner furstlich[e]n gnad[e]n, das teffelein seiner g[naden] pildnus an dem ganng in der predig[er] kirch[e]n abneme[n] und dem Krug meiner freund muntzmaist[er] vberantwurt[en] lass[e]n, der in arbait stet, demselb[e]n gemeß etwaß zu vißir[e]n, vff das zu des malers zukunfft den sach[e]n vnnd meinß gnedigst[e]n [Bl. 231v] her[e]n bevelh dester eher vnnd mit weniger muhe mocht nachgegang[e]n werden. Deß gleich[e]n hat gedacht[er] Krug von meines gnedigst[e]n her[e]n muntz noch bißhere kain ganntz werck gefertigt, soll aber in kurtz, wie er mich bericht, bescheh[e]n. Alßdann will ich seine[r] f[ürstlichen] g[naden] das zufertig[e]n, ob auch deß malers zukunfft sich ain zeitlanng verzieh[e]n, wollet mich bey gegenwertig[e]m brieffszaig[er] bericht[e]n, ob destermynder nit der Krug fur sich selbs on deß malers beysein vnnd zuthun materiren soll, wie er sich zuthun erpott[e]n vnd gute hoffn[u]ng hat, das solchs nach beraittem werck meinem gnedigist[e]n her[e]n nit misfellig sein sol. Wollt ich euch gut[er] maynu[n]g nit verhalt[e]n, dann euch zu dinstlich[e]m gut[e]n will[e]n bin ich wol genaigt. Dat[um] donerstag nach Vdalrici 1508.
Anthoni Tuch[er] der elter zu Nur[nberg]

Transcription by

Lücke, Dietrich; Lücke, Monika

Transcription Date

2021